الاختبارات النهائية في الابتدائية.. وتشديد بعض المعلِّمين في مادّته ..

خلهم يشوفوا الأسئله هاللي بالتقويم
كلها مع اوراق العمل هاللي خذوها

والصفحه من واحد إلى خمسة وسبعين
كلها مهمّه و بالخصوص اللي اكتبوها

صحّ وخطا بيجيهم و يمكن التعليل
و اهناك تعريفات كثره يحفظوها

دروس الشرحناها و خذيناها بالفصول
لا يكون من بعد الشرح خوفي نسوها

ذكر الأدلّه على العقيده والعبادات
والشّرك بانواعه و خلهم يذكروها

و خلهم يديروا البال بتجيهم فراغات
ما بين الاسطر يُحتمل لا يهملوها

ولا يخلطوا التوحيد بالفقه و يخبصون
لو يوم يجتمعوا سوى يتحمّلوها

سوّيت منّ الأسئله ستّه و خمسين
خل يحفظوها براسهم يستذكروها

والله يوفّگهم و عاين بيهم اسرور
باچر إذا ذيك الشّهاده اتسلّموها

گتله بعد هذا العرض تشكر مساعيك
ما گصّرِت والله وجهودك ثمّنوها

تسهيل من عندك لفى و ما مثله تسهيل
والاطفال باللي تريد نيتك يعرفوها !

يمكن أمر ناسيه ما گلته يا أستاد
گلّي المعاني باليناسب يوصلوها

گتله تراك بهالأمر ما جبت تحديد
ما خفّفت عنهم و لا الطلبه وعوها

خلّيت كلّ الأمّهات بحيره اتصير
والركبه للأولاد بالگوّه اجفسوها

ما بيك رحمه و لا بعد راعيت الاطفال
و طلباتك الصّعبه تظنهم يگدروها

بالإبتدائيه هذولا و كلهم اصغار
لو إنت بالتنكيل نفسك درّبوها

معلوم كل طالب بعد ينگص علامات
بتجيك من أمّه دعاوي و يعذروها

و طلاّب هاللي نكّلتهم باچر اتشوف
شخصيّتك بالگلب صاروا يكرهوها

خفّفَ إذا ردت الجليل يخفّف اعليك
و لا تصير بالشِّده اطباعك يوصفوها

عِد للمسائل أجوبه بحشرك من اتصير
يوم الحساب و وگفتك لو طوّلوها