الله كرّم كربله

الشعر الشعبي :
==========
- ١ -
ياعجب يا أرض إشقد لچ منزله
قد حباكِ الله وانتي كربله
وكل محبين الحسين تركض إله
يا هلا وهل من مزيد يستقبله
________________
- ٢ -
كربله زارك وصي وزارك نبي
إركبي يا أرض - عرش الله إركبي
انتي بس بالعرش بأعلى الرتبي
وما تهزك لا رياح لا زلزله
________________
- ٣ -
كربله لحسين عنوان ونشوف
تدخـل أبوابك محبين وإلوف
ساعة الّلي توصل لقبره تطوف
وتقرأ السبع المثاني وبسمله
________________
- ٤ -
صلّت إعلى كربله إصفوف وملوك
وچم ملك بجناحهم لچ ظللوك
كل ليلة جمعة عندچ جاوروك
من أجل لحسين صرتي إمدلــ له
_________________
- ٥ -
ما أضيع لو أقصدچ انتي الدليل
كرّمـك ربي ومـا فـي لچ مثيـل
ومن نزل يمچ نبي الله الخليل
شال چف اتراب منچ قبّلـه
_________________
- ٦ -
كربلـه وتـنزل عليـكِ الأنبياء
وإرتقيتي بخامس أصحاب الكساء
وقبتـه موضع إجابة للدعــاء
ويم ضريحه روح إوقف وإسأله
_________________
- ٧ -
أني أرض حسين وبأسمه أفتخر
وفوق تربة هالشهيد ضوّى القمر
وانحنيت لحسين حين احنى الظهر
وتدعي عنده كلّ ما تمر قافلٓه
_________________
- ٨ -
چنت لي يا كربله بقلبي سكن
ويبقى لي لحسين دخري والوطن
والحياة الدائمة بجنة عٓدن
ويّٓٓـه ابو السجاد وبجواره هله
_________________
- ٩ -
وصلت أرضك وقبّلت التراب
والتراب مشفاي في كأس الشراب
وما أظن من يحضنك يلقى العذاب
يالّلي من عين الحسين إمكحله
_________________
- ١٠ -
من جهة شرق وغرب أمشي إلچ
وعندي إستفهــام رايـد أسألـچ
چم أويتي إضيوف وكفّى منزلچ
منزلي بجناح جبريل يحمله
_________________
- ١١ -
صلّت إعليكِ القلوب الزاكيات
ونلتمس يوم الحشراحسين نجاة
وندخل لأرضك عشية او غداة
بتّجاه حسين تمشـي البوصله
__________________
- ١٢ -
يا أرض كربله وسمّوكِ طوى
وقالوا طـف وغادريـة ونينوى
نسمة من أرضك تهب تصبح دوى
وبلسم الشافي ترابك كربلـه