ليهم ابعوّام تشهد مگبره ...

نبدي باسم الله و نصلي

اعلى النبي و آله الكِرام

و محفل التكريم ضاوي

بالوجوه المزهره

كادر الجمعيه حاضر بالمودّه و الوئام

رايد يكرّم جماعه بيها عزّ و مفخره

أدّوا الخدمه الجليله بالبلد ملهم مرام

غير وجه الله تعالى و هالأمر ما ننكره

و اليخدم الناس لا بد له احترام

و لجل مجهوده و بذله انقدّره

الما يقدّر أَهل نفعه اعلى الدّوام

ما شكر الله و لا الله اتشكّره

انشجّع الجنسين مِن دُون اهتضام

نثني عالرّجال و نشكر للمرَه

كل صنيع اتقدّمه و كلّ انضمام

ينفع الوادم تطوّع مصدره

غسّلوا أمواتنا بخدمه و نظام

الله يجزيهم نعيم و مغفره

اتواصوا اعلى الخير وفّوا للذّمام

ليهم ابعوّام تشهد مگبره

لو نكرّمهم دهر و ابكلّ عام

ما نوفّي اجهود عدنا مثمره

ذولا أغصان العطا مو بالكلام

بالفعل يا محلى طلّتهم ترى

ما أطوّل و البعض رايد ينام

لغبشة الغبّاش يصحى للجليل و يذكره

خدمة الوادم شرف و اعظم وسام

يفوح منها الطّيب و ريحه امعطّره

رايد اخدمكم گبل يلفي الحِمام

و گبل واحد گبري باچر يحفره

شيمة التكريم عدكم في الأنام

باديه و يا ريت تبگى امعمّره

بس عجب ودّ البدن ما له مقام

في الفواتح كيف ماحد عبّره

آنا احبكم و اهدي كل مؤمن سلام

و اهدي عوّام و أهلِها ابيات حلوه امنثّره

هذي أبيات المحبّه و الختام

نصلي عالمبعوث رحمه

وعترته خير الورى

تنويه: القصيدة ألقيت خلال تكريم جمعية العوامية لمكرمي الموتى مساء الخميس ٢٥ ربيع الآخر ١٤٤٢هـ.