حكاية القمر ..

سكنه بحزن وقفت يم الفرات
تسأله عمي كيف عند جرفك مات
جاوبها خاض النهر وصاح ما ابيك
وصرخ بغيرته ما أشرب ماءك هيهات
غرف بيده ونَضَبَ كأنه الماي
ولو بقيت بيده كان فقدت الحياة
بس ذب الماي ورفع سيفه وكبر
وعلى الجيش ما تنعد كم الهجمات
نزل فيهم مثل الأعصار يفتر
ذكرهم بحيدر كل ما جتهم الضربات
ومن ترمش عيونه يدفنه بالقاع
وبلمح البصر يتخطف ما بين العاديات
صار العسكر يضرب في العسكر
وضج الجيش وما نسمع إلا الصيحات
وتَمَكنوا منه بحيلة النخلة
اجوله غدر وقطعوا يمينه حسرات
شال سيفه بيساره وكمل صولاته
وفوق ظهر الخيل ترفرف ذيك الرايات
وبقطع يساره ضم سيفه بصدره
بس جاه السهم بعينه وكسر الدمعات
وبكل الجراح ضل شامخ كالجبل
وبضربة العامود نزفت السبع سماوات
تعذر بو فاضل من أخوه وقال
وصل سلامي للعزيزة أم السادات
واعذريني يا عقيلة الهاشميين
كافلكم مقطعين اوصاله فحَرّ الفلوات
ومد طوله بطول النهر وصاحَ
سلامات يا خويه مني اخذوا سلامات
وغمض عينه يجر الأنفاس
وقلبه خايف من الجيش يوصل الخيمات
وفتح عينه لقى راسه بحجر الأمام
شال راسه بخجل وانطفت نور النجمات
عباس بخجل ودع أخوه حسين
هذي حكاية القمر من اعظم الحكايات