الوحشة بعد شهر رمضان المُبارك ..

بعدك يشهر الله صفَت دنيانا وحشه
كنّك الميّت و الخلگ سكته اتشيل نعشه
.
.
بيك المجالس عامره تتلو القرآن
و التعزيه بيها على امصيبة العطشان
و بيك المساجد تمتلي بشيوخ و شبّان
و من ترتحل منشوف من كل هذا تِشّه
.
.
يا شهر بيك الله بعد أنزل كتابه
و بيك الله للدّاعي فتح باب الإجابه
و من بيك يعمل للأجر ضاعف ثوابه
باري الوجود برحمته و الطافه تغشى
.
.
بيك الفريضه في الفجر شفناها حيّه
اتصلّي الجماعه النّاس في المسجد سويّه
و مِن ترتحل عادت مساجدنا خليّه
بوقت الصّبح ظلمه و لا الها صار ممشى
.
.
يا شهر بيك الأدعيه بكل صوب تلهج
و ليلة قدرنا بيك كنها موسم الحج
الذيك المساجد تطلع الوادم ابكل فج
و البعض يگضي للفجر دمعه بين رمشه
.
.
بيك احنا يا شهر العباده صرنا لضيوف
عند الله كلنا و نرتجي عفوَه المألوف
نفحاتك الحلوه علينا ادّور و اطّوف
معلوم فگدك خلّى عند النّاس دهشه
.
.
وحشة افراگك يا شهر عمّت علينا
اتخطّاها هالّلي راح و اتعنّى المدينه
و زار النّبي المختار و الزّهره الأمينه
و اليبگى يبگى في البلد و الكدر دشّه
.
.
انروح المساجد ما بعد نلگاها زحمه
انروح المجالس للتّلاوه انشوف ظلمه
القرآن يمكن يِنهجَر ما نقرا كِلمه
امن اتروح كلّ الخير عنّا شال گشّه
.
.
مِن يحِس فگدك يا شهر باله تِكدَّر
و من كان گصّر بيك في الطّاعه تِحسَّر
و الضّيّع اوقاتك هَدَر معلوم يخسر
خل ينتظر عام اليجي لو كان يخشى
.
.
ما يدري بن آدم بعد فرصه تجي له
و يستغفر الله بيه من اوزاره الثگيله
لو گبل شهر الله انكتب موته و رحيله
و نحّاه ملك الموت بامر الله و كشّه
.
.
نسأل الباري يعودنا بخير و سلامه
يبلّغنا شهر المغفره و ندرك اصيامه
بجاه النّبيّ المُصطفى و اهل الإمامه
و ماي الورد نسچب على الأحباب غَرشه.