ذكريات حبّابتي
الشعر العام البسيط (التراثي)
- 1 -
چانت أيامها جميلة ذكرياتها جدتي
تشوف ما أجمل حضنها چنّه بستان جنتي
وأنا جارها بأحلى دار وبارك الله بجارتي
ما تعوفه إشقد قلبها كله أسرار وحنان
- 2 -
بيهاأوصاف البساطةمن تسولف لك سوالف
چمّ أسرة بالفريچ تحچي عن بيت المناسف
چانوا ليها حسن جيرةوما نستها ام واصف
كلمن يزاور الثاني أحلى جيرة ونعم جيران
- 3 -
ياحلو قهوة الجدّة ومـن تجي زوار ليها
أحلى قهوة بالصباح والتلاقيم صنع إيديها
شكر وعرفان بعبارة لچ يا جدّة وتقرأيها
قلبك الـيوسع حبايب سوي لي بقلبك مكان
- 4 -
حجرة الجدّة شمايل ورد وريحان وعبير
تشوف كيس الحنّةيمها مكتوب للجد الكبير
عليك بالعافية ياجدنا هذا حب ماله نظير
لو رأيت كل هالوفـاء لا رجل للعشرة خان
- 5 -
تلصق إعلى الباب صورة وتنتظر ابو العيال
تلبس المشمرالأزرق وجاي كاشخ بالعقال
هكذا الجدة الحنونة يا جمالها في الوصال
زوجة يا أم الأصل للأسف مو في هالزمان
- 6 -
من تجي الساعةالظهيرةتشوف منهاالأهتمام
توفر الجو والهدوء لجل ابو العيلة ينام
تأخد أولادها بعيدويصمتوا بأحلى الكلام
من قصصهاوالسوالف تبتدي چان ياما كان
- 7-
جدّة حبّابه وحنونه وخد دليل مني وشاهد
إتجمّع العيلة محبة وتجتمع في بيت واحد
هذا عمي وذاك خالي وزاد طيّب عالموائد
جمّعت القلوب رحمة والأنس عم المكان
- 8 -
حشمة راحت مو بزمنا تلبس الجدّة الرداء
صوب أسود وصوب أحمر بس يازينه غطاء
تمرعلى الجارةام أحمد ويذهبن للعزاء
هكذا تعلّمنا إمنا چان زمن أول أمان
- 9 -
الجدّة ما تترك گدووها عندها شي عظيم
واليوم نفقد هالگدو في عزايا هالحريم
خلاص كسرواهالگدو طلع صفرقومي ياريم
تعالي انتِ والبنات وتعوّدوا من إنس وجان
- 10 -
اسمع الجدّة اتحسس عن زمان أول رحل
تقول ياوليدي عجيبةعن زمنكم كالوحل
بالوحل ياااما تطيحواوالمشاكل دون حل
وين أهل النخوة وين لا جزاء إلا بإحسان
- 11 -
سولفت لي جدتي وچنت خير المستمع
تقول أبوك العوديمشي كل عصر ويه الربع
وفوق أچتافهم الوزّرة ورايحين عين النبع
يسبحوا ولكن يقوموا من يحين وقت الأدان
- 12 -
ياسلام ذكرى فريچنا ما نسينا أيام أول
هناك صابات البراحة ومنهو هندسها وتأمل
والدرايش روزنة والشمس بس ليها مدخل
ومجلس البيت الكبير للضيافة تقول ديوان
- 13 -
عادة حلوة وبزمنكم اليوم ترحل وتضيع
إنّكسراگداوة ونقول صفرطلع وجانا ربيع
ويا أبو صفيروه صفر ويا محمد يا شفيع
ويا شفيع بطلعته وغنّى بسمه كروان
- 14 -
ذكرى الجدّة تروح بيت جارتها وتريده
في شهر الله وتحمل الهريس ويّـه العصيده
وبختام الشهر تدعي ربي عالصيّام تعيده
چانت أيامها الجميلة تحلى تحلى برمضان
